مــــــــــــــواقـــــــــــــــف مــــــــحـــــــــــرجــــــــــة

[فيافي]

مرحبا هذه مشاركة مني ولو إنها ماصخة شوي
بس ياللا...عشان محد يزعل بخيمتنا الحلوة
وإن شاء الله تسير ردودك 70 مو 40 بس...
---------------------------------------
كنا في طريق العودة للإمارات من السعودية(بالبر)
وقلنا مادامنا قريبين من قطر بالمرة نزور عائلة
صديقة لنا هناك..وفعلاً على قطر رحنا وصلنا الدوحة
ندور على المنطقة اللي تسكنها هذه العائلة كل مرة
نسأل راعي تاكسي بوصفهم أكثر من يعرف الأماكن ونحن أول
مرة نزور قطر..سأل الوالد واحد باكستاني شيبة
وقال له: وين منطقة معسكر جوعان يالطيب؟
الباكستاني الملقوف رد: بابا ما يعرف إنته من وين؟
قاله أبوي :من الإمارات ..بس رد وين؟
الباكستاني : آه أمارات ..شيخ زايد واجد تمام!!
أبوي : أيوه تمام بس خلصنا..
قال: وبلهجة الباكستانيين:
روخ تخت جسر بادين روخ سيدا شوف لوخة
واجد كبير مكتوب هناك (شخّانية) هناك معسكر جوعان..

ورحنا حسب الوصف ما في لوحة مكتوب بها الشخّانية
وقفتنا دورية شرطة قطرية وبعد الترحيب سألتنا
قالهم الوالد نبحث عن منطقة إسمها الشخانية.
بطل الشرطي حلجه وضحك ...استغربنا ليش يضحك؟
قال :الوالد أقول مافي بقطر كلها منطقة إسمها الشخانية
المنطقة إسمها الشحانية .........
طبعاً اللي انحرج هنا الوالد المسكين
هذا الموقف المحرج سببته لهجة قوم خان الله يسامحهم!!

أدري موقف باااااااايخ
بس طفرانة وحبيت أشارك

تحياتي
فيافي