{ قصـــايد أعجبتني }

[الوافـــــي]

حنـا بـدو

يلي على وجهي قريتي كل صفحات الشقى =اقري وأنا باكتب قصيدة واشعل الساحة حريق
باقي كثر ما راح واللي راح نصف اللي بقى =وان ما وصلت لغايتي با موت في نصف الطريق
يابنت يوم امطر غلاك بقلب ضيدان وسقى = درين وش سبة شقاه وسبة الجرح العميق ؟
شقاه من يمناه واسم الشيخ والنفس امحقى = والجرح منك يا أعذب العذبات يالموت الرقيق
يا بنت ما دام البدو تخلف هقاوي من هقى = وانا بدوي مني يشيل من الزمن ما لا يطيق
ابفتخر حنا بدو نعشق على وضح النقا = حنا بدو فينا الولد للقمة العليا عشيق
حنا بدو فينا الولد لو شاف موته ما أتقى = حنا بدو فينا الولد يرقـا ولو ماله رفيق
حنا بدو فينا الولد لا من رقا رقا رقا = الين يوصل غايته لو كان في قمة طويق
يابنت جيتك والثمن عمري ابي ليلةٍ لقا = يما كذا والا بلاش من الصداقة والصديق
وساعة تبسمتي وشفت الجمر والثلج اصدقا = قلت أشهد أن الموت حق وصحت لك صيحة غريق
واعتقت دمعي والزعل والحزن لرضاك أعتقا = وأغفت عيوني في عيونك يا عساها ما تفيق
وامنت باللي سخرك تقرين صفحات الشقا = واشعلت بردي في دفاك وشبت الساحة حريق

<******>doPoem(0) للشاعر / ضيدان بن قضعان