شنو الفرق بين الانترنت والتليفون... ومحد يزعل

[ام الظفاير]

أخواني الاعزاء ...أنا محتارة وايد ممكن واحد يقوللي شنو الفرق بين الانترنت والتليفون..البنت ممنوع تتكلم بالتليفون مع شخص غريب ولكن بالانترنت هذا ممكن... ولكن هل هذا حرام أو عيب...بغض النظر عن طبيعة المواضيع اللي يتكلمون فيها...انتو اشرايكم ...فيدوني وريحوا بالي .
.........................
الحسنة بعشرة أمثالها ..جرب وشوف.

[ام الظفاير]

الظاهر محد عجبه السؤال...أو انكم زعلتوا

[ام الظفاير]

الظاهر اني بزعل...ويؤسفني اني ابلغكم باني اعلنت اضرابي عن المشاركة في أي موضوع..حتى ترد حقوقي كاملة...يعني لا ترحيب كبير ولا مشاركة بعد....آآآآآآآآآآآي.. تضربتين في الراس توجع

[ناقد2000]

أختي ام الظفاير.
التلفون يختلف تماماً عن الانترنت .
هذا بفرض استبعاد المراسلات عن طريق الايميل بين شخصين.
الحوار بين النوعين ومن خلال المنتديات يجعل هناك نوع من الاطمئنان بين الاثنين لان الجميع يرى مايكتبون وبدون شك لن يكون هناك مجال للتمادي من احدهما وان حصل ذلك سيوقف هذا التمادي دون شك لان الطيبين ولله الحمد فيهم بركةوماذكرته لايتوفر اذا كان الحديث عن طريق الهاتف.
وهذا بالطبع يختلف من شخص لاخر وحسب اختلاف اهدافهم وسبب دخولهم للانترنت، فقد نجد شخص له عدة اشهر مشترك في هذه الخدمة ولا يعرف حتى الان هدفه من دخوله المنتديات !!

[هداج]

وينك يا أم الظفاير أنا هنا ودي تشوفيني وأنا أشارك ,,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[ام الظفاير]

صحيح...ما تجون إلا بالعين الحمرا....امزح

[أطياف الأمل]

السلام يا أم الظفاير00
انا مع ناقد باللي قاله00
لأن المكالمات الهاتفيه تحصل بالخيفيه و بدون علم الناس 00
اما في الأنترنت فجميع الناس يرون ما يكتبون00
و كلام ناقد كافي و اقدر ازيد عليه00
بس انا حبيت اشارك عشان ما تزعلين يا ام الظفاير00

دلوعه

[...etc]

اولا السلام انا جديدة وابي ترحيبكم وبعدين ابقولك يا ام الظفاير
السبب مو ان الناس يعرفون او لأ الموضوع اصلا كلام البنت مع واحد غريب ممنوعة ليه؟
لانها في صوتها فتنه في النت اكثر العيال ما يدرون هم من جد هذي بنت او ولد يستهبل عشان كذا ما فيها فتنه ولا شيء ولا تقابل وغيرة.

[أطياف الأمل]

اختي etc
انا عندي مداخله صغيره على كلامك00
كيف ما فيه فتنه في النت؟؟
وين راحت المحادثه الصوتيه؟؟
هذي مثل المكالمات الهاتفيه00
و الكتابه بعد فتنه00
فكم واحد ووحده تقابلوا عن طريق الكتابه بس و عمره ما سمع صوتها00وصارت اشياء كثيره اكثر مما تصير في المكالمات00
يعني مو شرط تكون الفتنه في الصوت بس00
في اي شي00
هذي رايي فيما قلتيه00
بس ما ننسى ان للأنترنت فوائد كثيره اكثر من مضاره000
كل واحد و استعماله و عقله00
مش صح كلامي؟؟

دلوعه الفيلسوفه

[Hadia]

بصراحة انا رأيي انه الإنترنت سلاح ذو حدين.
و بالنسبة للأشياء السخيفة الي تصير فيه, السبب في حدوثها ناس
فاضيين وما عندهم سالفة.
والحمدلله كل انسان عنده عقل يقدر يفكر ويبعد عن اي شي يكون سبب
وقوعه في الخطأ.
وباختصار شديد: العيب لا في الإنترنت ولا في التليفون العيب في الناس الي ماعندهم عقل
هادية