قفا نبك من ذكرى نزول المؤشـر

[على رسلك]

لا تقول إلا خير ,,حتى حنا دق بس مو مثلكم ...عندي لك اقتراح

من كم يوم راحت وحدة عندنا احسبها والله حسيبها من هل الصلاح والخير

تبي تشتري أسهم في مصرف قطر الاسلامي ....حلو الكلام(

وهي صحابة عقارات مالها في الاسهم ومتخوفه منها.....واضح الحكي

أول ما دخلت البنك توجهت للقبلة وارفعت ايدها بالدعاء ومن ضمن الدعاء اذاكان في الامر

خيرتيسره واذا كان فيه شر تصرفه وكملت طريقها..وانطرت وقت طويل.. البنك كان زحمة..ماشي

معي اخوي دايم ترى السالفه يمكن تنفعك ( )) المهم اول ما جى دورها وقفت توها

بتملاء البيانات طفت الكهرباء في البنك كله(: )

هي فهمت ان الله صد بها عن ذا الاسهم .ويوم عن يوم اسهم المصرف الاسلامي

مدهورة ونازلة .اللي معها يلطمون( ) وهي تحمد ربها .وش رايك اضبط لك موعد

معها والارباح هاف تو هاف((. )) هذ القصد من كل ذا السالفة وش قلت ( )

[دايم العلو]

شوفي يا أخت على رسلك
سلمي على خويتس وقولي لها
مادام الدعوة فيها طابور وانتظار ثم سجل بيانات وآخرتها يطفي الكهرب !!
هذا مايمشي عندنا
إنا يالله لك الحمد والشكر الواحد متكي وحاط رجل على رجل
وبضغطة زر يكون نفذ البيع والشراء وبعد يالله يالله يمديه يلحق على السهم

وبعد سلمي عليها مرة ثانية وقولي لها
تراي مو مثل ربيعنا إللي سمعوا عن بنك الريان عندكم وهبوا جماعات وفرادى
عشان يلحقون على الاكتتاب اللي بحلتوا بهم وحطيتهم في ملعب

وسلمي عليها مرتن ثالثة وقولي لها يالله عساه يبزى اللي عنده عشان يجي عندكم

وأبد أنا متنازل عن جميع الأرباح تقاسموا المبلغ بينكم

[على رسلك]

طينتها يا دايم العلو( )) ماجازي لي كلامك()


والله ما شفت الرجل على الرجل ولا ضغطت الزر انفعتكم اللهم لا شماته()

والمساهمين هل الريان وين تبي نحطهم بالديوان الاميري() تدري انا

نمشي ونتعثر فيهم..() .صارت الدوحة الصين الشعبية( )


الله يبارك في اللي عندك.وماتدري يمكن ما تغطي قيمة الحواله())


وخل عنك الطنازة ( )

[دايم العلو]

وأنتي كنتي تنتظرين إني بقول كلام يجوز لك

أنتي ماشفتي وماراح تشوفي لأن الكهرباء دائما مطفية عندكم
اللهم لا شماتة

أما بخصوص مساهمي الريان هم لو جلسوا كم يوم يمكن يستعمرونكم
ويأكلوا الأخضر واليابس اللي عندكم
قولي ماشاء الله ترى عيونكم حارة

بالنسبة للطنازة والتطنز فصدقيني إني أرى من ذهب سواء عندكم
أو إلى الإمارات أيام درة الغاز أني أرى أنهم مشافيح ليس إلا
اللهم عافهم ولا تبلاني
وأعرف بعضهم راح وخسر تنقلات وسكن وخلافه ورجع بدون شيء
حتى أنهم لم يخصصوا له ولاسهم واحد فرجع بخفي حنين
فالدعوة كلها شفاحة ومع الخيل ياشقراء

[على رسلك]

يا ساتر الله يكفينا الشر ياكلون الاخضر واليابس( ) ليه مجوعين في ديرتهم(( ))

اخوي دايم بس الله يوعدكم وتنطفي الكهرباء عندكم( )

وتفتكون في الفنر والسراج( ))

عيونا حاره() من اللي خلى بورصتكم لمت داون الا عيونكم حتى الاعمى,

عندكم عينه حاره(( ))

ومن قال ما خصصوا اسهم للسعودين يا شين التبلي ..()


شكلك راهي اخوي دايم ماشالله ((قوللي كم خسرت اقول كم معك))

صراحة اخوي دايم العلو توقعتك تشكرني وتقول ما قصرتي يا على رسلك(())
كنت بدلك على وحدة ترمومتر اسهم تعرف الطالع والطايح حظه من الاسهم()

وتعلمك ..ما هقيتها منك...ما كان الظن فيك كذا..( )

وما قصرت والوجه من الوجه ابيض والا ملتي كلر..واعتذر .واستسمحك...()

يا متكي وحاط رجل على رجل ..بس ((ثق أني أعذرك)) الخسارة وما تسوي()

وش قال ..قال استعمار. هذاك اول ..محنا بعلى خبرك تغيرنا بالحيل ..()

[دايم العلو]

لا والله عايشين في عز لكن القرادة ودتهم عندكم
وأنا قلت بياكلون الأخضر واليابس اللي عندكم
لأنهم ماشافوا إلا البهذلة وبصراحة وعشان تستانسين يستاهلون

ومادام الكهربا تطفي في البنوك وهي من أهم المؤسسات في الدولة
كيف تكون في البيوت ؟؟!! شكلكم عايشين من جد في ظلام دامس
بس وشلون تكتبين على النت يمكن يشتغل على الطاقة الشمسية ولا على أمواج البحر

بصراحة أنا كنت باشكرك لكن يوم شفت الدعوة عندكم في البنوك تطفي الكهرباء
قلت والله هذي تبي تغربلني لذالك نصيحتك لا تقبل الشكر وربما قبلت

وأنا أشهد إنكم تغيرتم بالحيل عساها تدوم عليكم النعمة مادام أنتم راضين
واهم شيء الكهرباء والتنظيم ..... الخ ... الخ ... الخ

أما بالنسبة لخسارتي فلإن أخسر وأنا حاط رجل على رجل مية مرة
أهون من أن أخسر والكهرباء مطفية وما أدري وش السالفة
ويازينها من خسارة بكيفي

[على رسلك]

بكيفك.() الا ((إذا شرد عبدك قل عتيق)) ( )


لا الكهربا عندنا تشتغل على الذبذبات الصوتية .وبالذات اللي بالملاعب () لايف

الله يجزاك خير على الدعوة ().راضيين .واضحين مو اغصبني وتغيصب()


بس اقول لا تتكي ولا تحط رجل على رجل علشان ما تقول( قفا نبك من ذكرى نزول المؤشـر)



ويا زينها من خسارة بكيف كيف كيف كيفك(( ))