دهاء مخضرم بزيادة....؟؟

[*سهيل*اليماني*]

--------------------------------------------------------------------------------

ول ياعجوز ماتفارق بابها

متولمه لهل الهوى بمشعابها

عجوز شمطا لارحم من جابها

لو توصل السكراب ماتسوى ريال

تلبس ثيابن شرتهم عهد نوح

تقول جثه هامده من غير روح

ماتوا رفايقها وهي عيت تروح

انا اشهد ان الموت معطيها مجال

لاجت تسولف كشرت بنيابها

واللي يقرب يمها يبلى بها

ياما حبايب تفرقوا بسبابها

ماشغلها الا قالت فلانه وقال

سألتها عن جد جدي وين كان

قالت عرفته والوكاد اسمه فلان

كنا اقصرى وياه في ذاك المكان

لازلت ذاكره قصته والوقت طال

قلت السلام قالت ابعد وش تبي

قلت اذكري ربك وصلي عالنبي

عابر سبيل وعزتي في مذهبي

ماني بطالب ياعجوز ابليس مال

عطيتها دينار وقلت اتفضلي

واللي تبينه امري وادللي

هذا طريقي ياعجوز واجملي

قالت تفضل واشرح يابن الحلال

عطيتها اسرار قلبي ومطلبي

اثر عجوز ابليس تبغي مقلبي

شفت المكيده وقلت يارجلي اهربي

ياما العجايز ورطوا قبلي رجال

منقول......