يا سادتي رنّ الجرس ..!!!

الوافـــــي · #1 10-10-2006, 12:47 PM

القصيدة بتنسيق آخر

يا سادتي رنّ الجرس كم رن محـد(ن) عبّـره = فز قلبي لـه وهـذا صوتهـا وأستشعـره
صوتها الجبار يغرينـي ولا أقـوى أستنكـره = قل لها يـا ولـد هـذا الزمـن قـد غيّـره
صار يأنف من نزار و يقتبـس مـن عنتـره = صار يسمع خالد الفيصـل كبيـر(ن) وأكبـره
قل لها إنه صار قاسي .. مثل عود العرعـره = قل لها إنه صار راسي .. كالقِـلاع المبهـره
صار ناسي و يتناسى لـو يـرى مـا ذكّـره = كان له عود(ن) قديم .. ثـم تـاب و كسّـره
كان له شعر(ن) طويل .. ثم شاب وقصّـره = كان شيطانـه قريـب ثـم أنـاب وسفّـره
كان هذا أول حديثـي بيـن مـدح و مفخـره= ما شعرت إنـي رفعـت الهاتـف إلا بآخـره
صرت أتمتم .. والجمل لو طاح كل(ن) ينحـره = لو تراني قلت هـذا فـي ثيـاب(ن) ممطـره
لو تراني قلـت هـذا فـي نزيـع الغرغـره = أطلبوا لي رحمة المولـى ونرجـو المغفـره
علّها ما سمعت اللي قلت وأرجـو المعـذره = قالت : إلا أسمع كلامك بـل سمعـت الثرثـره
إنت في طبعك غرور(ن) مـن تملّـك دمّـره = كيف تنكرني وفي ملعبك لـو تـدري الكـره
من كلامك صرت قاسي .. مثل عود العرعره = من كلامك صرت راسي .. كالقلاع المبهـره
قلت : انا عود(ن) تهشّم بيـن عيـدان الـذره= قلت : انا يخت(ن) تحطّم والزمـن مـا جبـره
أعذريني وأسمحيلي من تعـذّر مـا أنشـره= جيـت مقبـل يمّهـا كـل الخطـا مستنفـره
علّي أصلح ما أفسد الهاتف و بيدي المبخـره= ناظرتني في غـرور(ن) ثـم ولّـت مدبـره
صارت تمد الخطى .. وخطاي أنـا المتعثـره=لو ترانـا شوفـة المهـزوم والمستنصـره
عدت لأدراجي حزين ومـا بنفسـي أضمـره= ضامني إنها جرجرت مثلي على كبري ( مره )
عدت بيتي ..عدت لأطفالي .. وما بي أظمـره= عدت أحكي مـن حكايـات السنيـن الغابـره
كل خوفي أحلمُ و تسمع حكاياتي ( المره )= وإن حصل هذا و قد يحصل .. فهـذي تذكـره
عندها تلقون علمي عنـد بـاب المقبـره = سادتي تلقون علمي عند باب المقبره

<******>doPoem(0)

دايم العلو · #2 10-10-2006, 03:24 PM

إقتباس:

المشاركة الأصلية بواسطة الوافـــــي

القصيدة بتنسيق آخر

<******>doPoem(0)

خواااااف

كونزيت · #3 12-10-2006, 03:31 PM

صارت تمد الخطى .. وخطاي أنـا المتعثـره لـو ترانـا شوفـة المهـزوم والمستنـصـره
عدت لأدراجي حزين ومـا بنفسـي أضمـره ضامني إنها جرجرت مثلي على كبري ( مره )

سرده للقصه وتصويره جميل

حتى وإن كان فيها خيال إلا أن الإحساس رسم للواقع

ننتظر الجديد القادم بشغف

ولك أجمل تحية

الوافـــــي · #4 13-10-2006, 08:37 AM

إقتباس:

المشاركة الأصلية بواسطة دايم العلو

خواااااف

ولكنه قد يكون ( مخلص )
أليس كذلك ؟؟؟

شكرا لمرورك العاطر أخي الحبيب

تحياتي