عندما كنتم (أطفالا)..!!!

[عربي سعودي]

المشاركة الأصلية بواسطة دايم العلو

وشلون جمعتي هالبزارين ياعلى رسلك

مرحلة الطفولة مرحلة لابد أن تمر بجميع الأقسام
يعني مره مفلوق مرة ممشوخ مرة طاقك ولد الجيران
ومرة تصير بثر وغثيث ، ومرة قوي طايح على لنمبات سور الجيران بالنبيطة
ومرة ماتخالف تلهف من شنطة أختك كم ريال
ومرة تستهبل على أمك إذا جت تصحييك للمدرسة وتصير ثقل ..
ومرة تصير مؤدب وتصلي مع الجماعة في المسجد ولا تتأخر في السجود
ومرة تمسك معك وتسجل في حلقة التحفيظ
ومرة تروح للبقالة وتهبش كم سنكرس وكم فشفاش إذا كانت البقالة زحمة وعينك ماتشوف إلا النور
ومرة تصر وتعاند ألا بتركب قدام لو كان فيه منهو أكبر منك
ومرة تاحذ دورة بسيكل ولد الجيران بالقوة ولا بالمروة

الله يأ أيام المبزرة

أذكر فيه منتدى أسمه بزارين حارتنا
شكله بزارين حارتكم ياعلى رسلك

و مرة ماخذ الساكتون و مفرغ علبتين رصاص (حوالي 200 طلقة) إلين تعبت أحاول أطق قوطي بيبيسي من قريب و ما قدرت

[دايم العلو]

المشاركة الأصلية بواسطة عربي سعودي

و مرة ماخذ الساكتون و مفرغ علبتين رصاص (حوالي 200 طلقة) إلين تعبت أحاول أطق قوطي بيبيسي من قريب و ما قدرت

وأحسن حل إذا عجزت أخي عربي سعودي عليك بلمبات الشارع
تراها تصيب على طوووول حلال الحكومة بس ماتنكسر

[عربي سعودي]

المشاركة الأصلية بواسطة دايم العلو

وأحسن حل إذا عجزت أخي عربي سعودي عليك بلمبات الشارع
تراها تصيب على طوووول حلال الحكومة بس ماتنكسر

الحين ما قدرت أطق قوطي بيبسي من بعد عشرة أمتار أو يمكن أقل و هو على الأرض من وين لي أجيب لمبات الشارع ؟

بالمناسبة وقتها كنت صغير مرة بالابتدائي و كان الساكتون نفسه أطول مني و ارتداده يدزني ورا

قعدت أحاول إلين تمصعت يدي من كثر ما أفك الساكتون و استسلمت و رجعت الساكتون لمكانه