حلف الفضول 2 ... الخيمة

[زيطه زمبليطه]

أخي الحبيب ماهر
والله إنتا على عيني وراسي وكل الاخوه الأعضاء بما فيهم اللي بنختلف معهم

كلن أنا ببساطه بقول لو كان "حلف الفضول" مش حيقدر يوقف الطرد المؤقت التعسفي

أو تعديل الردود أو حذفها تعسفيا لأني أنا مش بتكلم على قلة الأدب زي الأستاذ أبو ألمانيا الموحده

لأ أنا بتكلم على إبداء الرأي الصريح في بعض القضايا والأنظمه الحاكمه اللي يمنع المساس بهم من قريب أو بعيد في هذا المنتدى

وكمان في نقطه في غاية الأهميه اللي هي أنا من حقي كعضو أطلع وأبحث في مشاركاتي القديم أو مشاركات الأعضاء عشان أتعرف على فكر العضو قبل ما أدخل معه في حوار

فهل "حلف الفضول" حيقدر يرجع الحق ده أو المضلمه دي لأصحابها ولا هو مجرد كلام وخلاص ؟؟؟؟

لأن يا أخي الحبيب لو تسأل كل الأعضاء حتى المختلفين في الرأي الكل حيقر بوجود إجراءات تعسفيه تتخذ ضد البعض وحقوق لنا كأعضاء غير مُعطاه

أخي ماهر أنا دخلت الخيمه في رغبه حقيقيه للمشاركه والاختلاف الذي لا يفسد للود قضيه ولكن فوجئت بحذف الردود والتعليقات والطرد والتوقيف

فأصبحت أدخل الخيمه على سبيل الترفيه فقط

لكن لو حشترك في حلف يقول أن أساسه هو نصرة الضعيف فأنا بسأل هل الحلف حيقدر أو لا يقدر

ولو الحلف حيقدر يبأه أنا عاوز خاصية البحث ترجع ولو كل مشترك في الحلف وافقني علي كده فلازم الحلف يقدر يرجعلي الحق ده

اما الأساسيات والضوابط فكلنا عارفينها ولو الحلف يسعى لتطبيق الضوابط فايه الجديد في حلف كهذا ؟؟؟

ولك وجزيل الشكر أخي الحبيب ماهر