أطرف المواقف لجميع من في الخياااااااام....

[طاحس بن ملقوف]

اخي وحبيبي الكواري
خذ هذه المشاركة من رئيس الحزب الى اهم عضو فيه .
المهم مرة وانا نايم ورايح في سابع نومه جاء ابوي تعرفونه اكيد من الاسم وقام يصحيني بعد ماملت امي مني وهي تصحيني قام يناديني من بعيد عشان اصحى (تعرفون نومي خفيف) المهم راح وقت صلاة العصر وانا ما صحيت وجاء عند ابوي ضيوف وجاء وصحاني بالقوة وجلست ساعة اتمغط على السرير وانا طالع من باب الغرفة واتهزهز ابي اطيح من النوم واذا برسالة تدق في الجوال (عندي جوال ياحظي) وصدفة كانت من واحد متخصص لقافة لان كل اصحابي كذا ولما قريت الرسالة فطست من الضحك حتى ان ابوي سمع صوتي وهو عند الرجاجيل وحسبني اصارخ وجاء مسرع ويقول وش القصة وانا رايح فيها من الضحك واخذ يسالني اكثر من مرة عن اللي يضحكني وقلت له ما فيه اي شيء .فقال لي انا تاركك الحين نايم وش اللي خلاك تضحك الى هذا الحد ولا علمته بالرسالة فقال لي بقوة وزعل انقلع صل الظاهر انك استخفيت!!!

وتدرون ليش ما علمته بالرسالة لانها رسالة من واحد حمار وقاصد يحرجني لانه عارف اني اذا كنت في البيت اكون جالس مع ابوي معظم الوقت وطبعا اذا جاءت وابوي جالس بيقراها وانا وجهي يعطي الوان ويقوم يكفخني عشانها والرسالة ابي اكتبها لكم وترى القصد منها الضحك وليس اي شيء اخر
ارسل لي صاحبي الحمار بيت شعر محرف وهو
يا مل قلب راطقه حب غاليه
............. (.........)مشرهفات الاذاني


ارجو انه اعجبكم الموقف وترى انا متردد في كتابة الرسالة عشان ما احد يزعل علي واتمنى انه ما احد زعل منها.او اخذ فكرة غلط.
وشكرا.


رئيس حزب الملاقيف
طاحس بن ملقوف
ونعم

[ 07-08-2001: المشاركة عدلت بواسطة: طاحس بن ملقوف ]