بعض المفردات التي تحصل من الطالبه وردة فعلها من المعلمة من طالبة بالمرحله الثانوية

[المد]

كل الحوارات التالية تحدث بالحصة وبين الطالبة والمعلمة...
ـ استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة


ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟


ـ استاذة ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام


ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتشولفين وتتكلمين


المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا


استاذة منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه


ـ أستاذة..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل


المشهد/بنت تمسح السبورة ومشتطة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل


ـ استاذة..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا


ـ استاذة..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..


ـ استاذة الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس


ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم


ـ استاذة..صراحة..الامتحان كان مرة صعب
ـ اسكتوا ماحد طلب رايكم


ـ(هذا في حصة الفراغ) ـ استاذة..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى


ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!


ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,


المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ استاذة..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟


المشهد:المعلمة تملي البنات الدرس..
ـ استاذة..ايش؟عيدي
ـ اسكتوا وبتسمعون


ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..


المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ اجل ليش جايتكم؟؟


ـ استاذة..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية الفسحة مثلا؟؟

ـ استاذة..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة‍
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)


ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا


ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس


المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة)
ـ لأ..بعد الحصة‍‍
ـ استاذة..بعطيها شيء وأروح
ـ لأ..أطلعي بره..قلتلك بعد الحصة


المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت

**الامثلة كثيرة..لا تعد ولا تحصى..لكن لاحظوا كيف المعاملة والرد من قبل المدرسات واكرر واقول ليس الجميع
منقول من احد المنتديات.......

[بسمة امل]

السلام عليكم

مثل هذه الامثلة يحتاجون الى مدرسة خاصة بهم

لا حول ولا قوة الا بالله

[Hadia]

لهذا السبب أعترف أني لن أصبح مدرسة أبدا
___________________________
للأسف يعامل بعض المدرسين طلابهم كما هو الحال بين السيد والخادم
ولكن ما الحل؟؟

[المد]

تحياتي لمراقبات الخيمة.....
والله معكم حق في كل اللي قلتوه ومو بس الضاهره عند الطالبات ترى حتى عند الطلاب وخصوصاً بالثانوي ويحاولون يضيعو اكبر وقت ممكن بالهرج وتشتيت ذهن المعلم وتحويل افكاره الى عدة اتجاهات اخرى بأسأله تافهه وليست بالمهمه للحصه والدرس مجرد تضييع وقت والضغط على اعصاب المربي.......تحياتي..

[جودي]

و الله يا احمد كنك معنا بالفصل بس

اشلون عرفت؟؟؟؟؟

[المد]

اهلين جودي..
تحياتي لك وما فيه شي الا ينعرف؟

[أطياف الأمل]

طيب ايش رايك بالمرحلة الموسطه؟

المعلمه: قومي يا فلانه جاوبي
الطالبه: مابي
المعلمه: ترا بنقصك
الطالبه: طقاق


(الطالبه تتعلك بالحصة بكل روقان)
المعلمه: ارمي العلك اللي في فمك
الطالبه: ماني براميته (وتستمر في التعلك)

(المعلمه تفتش على الواجب توقف طالبه وبكل سخافه تقول:
ابله ما حليت الواجب؟!!
المعلمه: ليه؟
الطالبه: كنت غايبه امس!!
"وهي امس من اول الحاضرين في الصف"

هذي ترا امثله قليييييييييلق من اللي يصير في فصلي بالذات!

دلوعه

[المد]

الله يعين المعلمات عليكم يادلوعه هههههه
تحياتي لكم واصبرو ياايتها المعلمات
من اجل رسالتكم الساميه..

[أطياف الأمل]

الله يعييننا احنا عليهم والله