عــيــب والــلــه عــيــب

[موادع]

قال الرسول (صلى الله عليه وسلم ) : ليس الشديد بالصُرعه .. وإنما الشديد الذي يملك ُ نفسهُ عند الغضب ) ...

أفااااا والله ماكنت متوقع ان هاللي صار بيصير !!

كل هذا يصير في هاليومين اللي سافرت فيهن !!!

كنت رايح وانا واثق اني تارك أعضاء ثقات .. أعضاء ليسوا بحاجه لمن يرشدهم ويوجههم ويعلمهم أدب الحوار ... وبالأخير ثقتي تكون في غير محلها


طبعاً كلامي هذا مايعم ولكن يخص بعض الأعضاء اللي أقترحوا أقتراح غير مُباشر بتغيير مُسمى الخيمه الرياضيه إلى خيمه المصارعه !!!!


الصغير إذا أخطأ نضربه ونقول عيب هذا خطأ .. لكن الكبير إذا أخطأ وش نقووله !!!!

ياجماعه انا من مسكت مهام الأشراف مافكرت في يوم من الأيام اني أشطب أي اسم من الخيمه الرياضيه ولا حتى راح أفكر .. لأن الأسلوب هذا ماأحبه لنفسي فكيف ارضاه لكم !!
كيف ارضاه لأعضاء اعتبرهم أعز من أخواني !! كيف أرضاه لأعضاء شاركوا في منتدى غالي على قلبي منتدى هو همي الأول في الأنترنت !!


انتم قاده ولا أعتقد انكم تنقادون ...
وكل شخص مراقب على نفسه

موضوعي هذا ماهو تهديد .. ولكن وعي

فأرجوا ان يكون كلامي واضح
واتمنى ان موضوعي هذا يكون موضوع صلح بين الأعضاء وعفو وتسامح


أخوكم المُحب جداً لكم
موادع

[الخنساوي]

لالالالالالا .. أكيد يا موادع أنك أنت ما كتبتا ذا الكلام .. وأنت زعلان
لا أكيد تمزح ... لا تمزح الا تمزح .. أتمنى أنك وأنت تكتبة .. كنت فرحان ... لا يا موادع لا تزعل علينا ... حنا أخوان .. موادع ولا يهمك ... لاتزعل من بعض الناس اللي أستغلو .. سفرك

<== شوي شوي يا كورن فلكس .. يا موادع .. صاير مثل كورن فلكس .. يوم أنه يحج

[رنية]

الأخ الغالي....................مــــــوادع
أعتقد أن ما يحدث ولا زال يحدث ........... إنما هو امتداد طبيعي لسير الرياضة لدينا في المملكة .
إن ما تراه من تبادل للنقائص والتهم.........
والتقليل من شأن الغير يكاد يكون الخط الذي بدأت تسير فيه الرياضة لدينا .
اتمنى من الإخوان المعنيين................
الإلتزام بالكتابة الرصينة....والنقد البناء الهادف ...والترفع عن البذيء من الكلام .
وبودي أن أهمس في أذن بعض الإخوة..........اذا أردت ان يشهد الآخرين بميزاتك ومنجزاتك ........
عليك إحترام.................. .

**************************************
الأخ موادع اهلا بك ..............

[حواس]

الحمد لله على السلامة اخوي موادع

وبعدين اخوي ودي انك تقراء جميع ردود المختبيء تحت اسم رنية !! وترى تهجمة على الأخوان أحمد والساكن وهوندا وفتى منفوحة وعلى شخصي الكريم وعلى نجم النجوم ماجد عبد الله حبيب قلبك !.

هذا غير تلفضه بكلمات تدل على تدني مستوى تربيتة .. ومستوى تفكيرة الضيق .

واسمع يا(من تسمي نفسك رنية) ترى الجميع هنا محترمين وانت جئت بما لم يجيء به احد قبلك وهو الاساءة لأناس محترمه .. فاحترم نفسك يحترمونك و كل لسان وله مقص .

عن اذنك عزيزي موادع معي كم دلة بروح ادورلي على صلب يربونها

[HONDA999]

الحمدلله على السلامة حبيب قلبي
انا صراحة قلت لك راي قبل ما تسافر بس ماسمعت كلامي

المهم مثل ما قلت ان الخيمة كانت تمام قبل اسبوع بس مدري وش اللي صار بعد ما جو بعض الناس

الا ياموادع تصدق اني احسبك توك مسجل وفاتح هالموضوع عشانك عضو جديد وتبينا نرحب فيك ,,لأني قريت في احد الردود ..الأخ موادع اهلاً بك...

[جودي]

و الله يا انا مستفربه ليه في مواضيع ما اتقفلت و ليه في ردود ما اتشطبت اتاريك مسافر و يوم رجعت شفت الفضايح اللي طلعت من وراك !!بس ما اقول الا الله يستر لا تصير من جد مصارعه لاني ما الاحظ روح رياضيه ..