لازم تقرون هالموضوع

جودي · #1 16-07-2001, 04:02 AM

انا قريته لما جاء عالايميل و مت من الضحك و زيما يقولون شر البليه ما يضحك ؟؟

مره من المرات وفي أحد فصول الدراسة في
أمريكا...اقترح المدرس لعبه ماجنة "فاضحة"...ولان
الطلاب كلهم شباب...اقترح المدرس هذه اللعبة.. سيقوم
المدرس بسؤال ثلاثة من الطلاب اسئله عامه...وعلى كل
طالب أن يكتب الاجابة على ورقه ويرفعها
عاليا...الطالب الذي تختلف إجابته عن الآخرين يخلع
قطعه من ملابسه!!! سألت المدرس هل من معلومات خاصة
نحتاج أن نتعلمها قبل الموعد المرتقب غدا...قال:
لا..مجرد معلومات عن بلدك .. واللعبه للتسلية فقط

رشحت نفسي للعبه...ولبست سروال داخلي..وبنطلون
صوف..وجينز..وشراب..وفنيله علاقي..وتي
شيرت..وقميص..وجكيت...وفروه جاء اليوم الثاني ولاحظت
أن الاثنين الثانيين...لابسين ملابسهم العاديه...ضحكت
في نفسي...وقلت والله يا أنا بشوف بلاوي

بدأت المسابقة:
سأل المدرس: إذا وقفتك سيارة شرطه...هل تنزل أنت ولا
الشرطي؟
الأمريكي: هو
الياباني: هو
أنا: على حسب..إذا الوقت ظهريه أنت..وإذا بالليل كلكم
قال المدرس...حنوش...أنت مختلف عنهم ...افصخ شي
...فصخت الفروة
---------------------------------------------------
سؤال: إذا قدمت على خط تلفون..متى يوصلونه لك؟؟
الأمريكي: خلال يومين
الياباني: خلال يومين
أنا: على حسب البوكسيه مليانه ولا لا
المدرس: حنوش..افصخ ...فصخت الجكيت
----------------------------------------------------
سؤال: إذا قدمت معامله على دائرة حكومية...متى
تستلمها؟؟
الأمريكي: نفس اليوم
الياباني: نفس اليوم
أنا: يقول راجعنا بكره
المدرس: حنوووووش
أنا: عارف..عارف...فصخت القميص
-----------------------------------------------------
سؤال: إذا انقطع خط تلفونك لانك ما سددت...وش تسوي؟
الأمريكي: اتصل..ادفع بالفيزا…يركبونه.
الياباني:اتصل..ادفع بالفيزا...يركبونه.
أنا: أجيب صورة الفاتورة...وصورة بطاقة أحوال
جدي..وصورة فاتورة كهرب...وصورة دفتر العائلة..وصورة
خالي علي..واروح لمكتب الاشتراكات الرئيسي..وبعدي...
قاطعني المدرس...هي هي وش تكتب..انتهى الوقت المحدد
للسؤال
...يالله افصخ فصخت التي شيرت
---------------------------------------------------
سؤال:عند انتقالك لمدينه جديده..فان أهم عنوان تحفظه
هو؟؟؟
الأمريكي: عنوان بيتك
الياباني: عنوان بيتك
أنا: عنوان الهاتف والكهرب والمياه
المدرس: حنوش..وابتسم
أنا فهمت...وفصخت ...الفنيله العلاقيه هالمره
----------------------------------------------------
سؤال: إذا حجزت في الخطوط المحلية...وقالوا لك
(اوكي) ...فهذا يعني أن حجزك؟؟
الأمريكي: اوكي
الياباني: اوكي
أنا: حسب الرحلة..إذا حظك شين وسافروا معك
مهمين...الله يعوضك
كتبت الجواب وعلى طول فصخت البنطلون ...بغيت افصخ
الشراب بس قال المدرس ما تحسب
-----------------------------------------------------
أسرع وسيله حديثه للاتصال هي؟؟
الأمريكي: الإنترنت
الياباني: الإنترنت
أنا: المر سيدس...دق سلف ورح لم اللي تبيه
المدرس: حنوش...سوري...افصخ
فصخت البجامه الصوف طبعا عارفين وش بقى ....قطعه
وحده بس ...يعني لازم أحط حيلي في الجواب ولا جبت
عيد...تكفى يا كريستلي هاريز(مين هذي )
-----------------------------------------------------سؤال:
من هو الشخص الذي تتصل عليه في منتصف الليل
عند الضرورة...ويأتيك بأسرع وقت ممكن...ولا تحتاج أن
تصف له بيتك؟؟؟
الأمريكي: البوليس 911
الياباني: البوليس تشنق ينق بو(911 بالياباني )
ضحكت بصوت عاااااالي...وقلت: يس...أخيرا
جبتها...الجواب هو:
دومينوز بيتزا
طالعني المدرس والطلاب بعين...صرخت والله بلدنا حلوه
وحنا متطورين ومتقدمين وهذي الأشياء بتضبط بس اصبروا
قرن ولا اثنين
طالعني المدرس...قال حنوش..
افصخ سروالك

كوكتيل · #2 16-07-2001, 04:34 AM

حلووووووووووووووووووووووووه
مووووووووووووووووووووووووت

خصوصااصبرو قرن أو قرنين .

ابداع يا جودي ..
رايقة .. أكيد توك مفطرة ...
زمان عن الضحك .. ضحـّك الله سنك
ويعطيك الف الف عافية ...

ما كمّـلتي السالفة ....
يوم قال المدرس لحنوش : اقصخ سروالك .. وش سوى حنوش ....

قبل أنسى ترى الــ link ما زان ...

جودي · #3 16-07-2001, 05:10 AM

هي على قرن او قرنين

و الله اني ما افطرت عساي اغسل و جهي و افرش اسناني ..على ذكر الاسنان مصطلح جديد علي ضحك الله سنك ---->هذا

وش تبي بعد ..قاله افصخ صروالك و انا استحيت على وجهي و طلعت وش يقعدني بس المرة الجايه اجلس عشانك-لا تصدق

-

اي لينك؟؟ايييييه عرفت اللحين ابروح له..

كوكتيل · #4 16-07-2001, 05:41 AM

لا ولله لك الحشيمة ...

المدرس وحنوش وياقي الطلاب يطلعون ..
وأنتي تقعدين وراسك مرفوع ..

ما عاد الا هي ...

جويدي

تطلع من الفصل .

عموما ...
وافينا بكل جديد نحن على نار ... بس خامده

جودي · #5 16-07-2001, 05:44 AM

اجل تبي تطلعهم..مشكووور

انا كنت شايله هم الطلعه-عرق زوله

-

بس وراها نارك خامده؟؟

.

.

.

.

.

.

.

شب عليها شوي

كوكتيل · #6 16-07-2001, 05:54 AM

اااااهـ
أقولك ليه ناري خامده ....

كان فيني طاقة وراحت كلها بسببك ...
ضحك x ضحك
ولله عيوني صارت تدمع من الضحك ...

كل ما ذكرت الكاريكاتير ذاك الدب اللي شايل خوية وهو مهوب فيه يكلم بالتلفون...
ما أقدر أمسك نفسي من الضحك ...

الله يجزاك الف الف خير

جودي · #7 16-07-2001, 05:59 AM

و لا تقول يا ثقيل!

كوكتيل · #8 16-07-2001, 06:07 AM

ما اسمع وش تقولين

جودي · #9 17-07-2001, 08:22 AM

ما قلت شيء..

أبو طيف · #10 17-07-2001, 10:30 AM

والله رهيبة ياجودي وقصة تموت من الضحك وفيها أسلوب ممتاز وجديد للنقد الغير مباشر