للجميع

[مصطفى رحيب]

محلا القصايد ف الشدايد والغنا
محلا الكلام الحب أوقات الشقى

إحنا اللي تهنا ع الطريق من بعضنا
متفرقين.. والسجن هو الملتقى

آه يا رفاقة من متاهات الطريق
لما الليالي بيتخنق فيها القمر

يمشي الصديق ف الضلمة
يخبط في الصديق

والسكة بنت الخطوتين تاخد سنة

محلا القصايد ف الشدايد والغنا
محلا العيدان الخضر في الربع الخراب

إحنا اللي تهنا ع الطريق من بعضنا
متجمعين بنخط صفحة ف الكتاب

قصيدة لشاعر العامية المصري أحمد فؤاد نجم اردت أن
أبدء بها مشاركتي الأولى في الخيام الدافئة...



رحيب