"فاعل خير.. دوت كوم".. 250 حركة خيرية مصرية وراءها عمرو خالد

[يتيم الشعر]

"صحبة خير".. "مجموعة ثواب".. "مساعدة.دوت كوم".. "مجموعة قافلة الخير".. "مجموعة كفالة اليتيم".. "مجموعة دواء".. " دار أيتام جمعية لقاء الأحبة في الخير".. "مجموعة سنابل البر".. "مجموعة قافلة الخير".. "موقع Need4Blood للتبرع بالدم".. "جمعية الطريق إلى الجنة".. "دليل المصريين لعمل الخير".. هذه المجموعات جزء من قرابة 250 مجموعة بريدية تسعى لعمل الخير تقربا لله، وأغلبها على موقع "ياهو غروب"، وبدأت تنتشر بشكل كبير بين المصريين، كنوع من التكافل الاجتماعي.

هذه المجموعات تشارك فيها فتيات وسيدات وشباب جامعات، من أعمار مختلفة، قسم كبير منهم من الطبقة الغنية أو الوسطى، يسعون لفعل الخير، ويشاركون في أنشطة عديدة تتراوح بين تجهيز "شنط" مدرسية، وأخرى معبأة بالأغذية لموسم بدء الدراسة ولشهر رمضان المبارك، توزع على الفقراء.

وبين هذه الجمعيات ما تخصص في التبرع بالدم للمحتاجين، أو في زيارة الأيتام، وتجهيز العرائس غير القادرات على تجهيز أنفسهن بالأجهزة المنزلية المختلفة، وحتى شراء أجهزة طبية للمستشفيات العامة والمستوصفات، والبحث عن وظائف للعاطلين، وبيع "الروبابيكا" أو الأشياء القديمة المستهلكة.. وكلهم متطوعون للتنمية ومساعدة الغير بلا أجر، متخذين من الآية الكريمة: "يا أيها الذين آمنوا اركعوا واسجدوا واعبدوا ربكم وافعلوا الخير لعلكم تفلحون" شعارا لهم.

هذه المجموعات التي بدأت تظهر بشكل كبير منذ عام 2003، مواكبة لمشروع "صناع الحياة" للداعية عمرو خالد، تتبادل أنشطتها عبر البريد الإلكتروني والمجموعات البريدية، ومن خلال الإنترنت، يتم ترتيب وجمع المساعدات لتوزيعها، أو ترتيب لقاءات شهرية لزيارة أحد ملاجئ الأطفال، أو جمع تبرعات عينية، في صورة كراسات وأقلام ومواد غذائية، في المواسم المختلفة، لتوزيعها على الفقراء، وكل فرد منهم نشط جدا في العلاقات العامة، ويحرص على المشاركة في كل هذه الأنشطة في وقت واحد.

وتقول "مها" المشرفة على مجموعة "صحبة خير"، والتي تعمل في مجال العلاقات العامة لـ "قدس برس" إن هناك إقبالا طيبا من المشاركين على فعل الخير أينما كان، وأن مجموعتها، التي بدأت نشاطها في كانون ثاني (يناير) 2004، فيها قرابة 2000 عضو يساهمون في كل أنشطة الخير المختلفة، وإنهم يشاركون مع أندية اجتماعية وصحف في ترتيب احتفالات جماعية لعرائس يتم تجهيزهن على قدر ما يستطيع الأعضاء، فيما يقول مشرفون على مجموعات أخرى إن عدد المشاركين في مشاريع الخير لديهم يقترب من 3 آلاف مشترك.

وتضيف مها أن آخر نشاط لجمعيتها كان حفل يوم (24/8) لتجهيز 20 عروس بالتعاون مع نادي المعلمين، حيث تم تسليم العرائس أجهزة منزلية (غسالات - بوتاجازات - أطقن ميلامين - مفارش وغيرها)، كما تم تسليم أجهزة طبية إلى مستشفي أبو الريش بـ 150 ألف جنيه مصري، تم جمعها من أهل الخير ومن الأعضاء المشاركين في المشروع، وبالتعاون مع مجموعات أخرى، كما تم عمل رحلات لأطفال الملاجئ والأيتام، وتوزيع هدايا عليهم، وإسعادهم، خصوصا في الأعياد والمناسبات، لرسم البسمة على وجوههم.




أعمال خير لوجه الله

"إحنا ابتدينا بخمسين جنيه عايزين نجمعها نشتري بيها بونبوني وشيكولاتة نروح بيها أي ملجأ في العشرة الأواخر من رمضان (تشرين ثاني/نوفمبر 2003 )... إحنا دلوقتي (كانون ثاني/يناير) 2004 بنحاول نجمع خمسين ألف جنيه عشان نجيب جهاز لمعهد الأورام القومي....أنا عايزة أقول إن ده مش غروب بالمعنى المفهوم للغروب على النت أحنا هنا بنعرض الأفكار اللي ممكن نقدم بيها حاجة لوجه الله، وبنحاول ننفذها مع بعض، من خلال زيارة شهرية تكون صحبة خير".. بهذه المقدمة قدم أحد هذه المجموعات، وهو "صحبة خير"، نفسه.




مشروع الروبابيكيا!

جماعة أخرى قالت "نحن نحاول أن نساعد كل فتاة يتيمة أو فقيرة، مقبلة على الزواج، ولا تستطيع توفير معظم الاحتياجات الأساسية، بداية من الأثاث حتى فستان الزفاف، وبدلة الفرح". وقالت "ساهم في مشروع الروبابيكيا.. بإمكانك الحصول على الثواب بإذن الله، من خلال تجميع هذه الأشياء البسيطة، التي أنت في غنى عنها من بيتك أو مقر عملك يوميا وبسهولة جدا وبدون أي مجهود.. يدعوكم موقع "مساعدة.كوم" للمشاركة في عمل الخير، من خلال تجميع البلاستيك والورق والكارتون والزجاج، الذي تستخدمه في منزلك يومياً، ويزيد عن حاجتك، حيث سيتم إعادة تصنيع هذه الأشياء، واستخدام أموالها في مشاريع خيرية متنوعة، وبذلك نعاونك على التخلص منها، وتعاوننا على الخير، وتكسب الثواب بأقل مجهود"!.




مشروع شنطة رمضان والمدارس

مجموعة ثالثة قالت "بمناسبة حلول شهر رجب وقرب حلول شهر رمضان المبارك أعاده الله علينا بكل خير، وكلنا يعرف ثواب إفطار الصائم في رمضان.. وهو عتق الرقبة، فإننا نود أن نتسابق إلى الخير فيه، وأن نقدم لكل أسرة محتاجة شنطة تحتوى على مواد تموينية، تكفيهم لهذا الشهر الكريم" مع شرح كيفية تنفيذ هذا، والتأكيد أن المطلوب عمل مليون شنطة على الأقل على مستوى مصر، والسعي لحصر الأسر التي تستحق المساعدة.

في حين نشطت مجموعة أخرى لإعداد شنطة أخرى للمدارس قائلة "احنا بدأنا مشروع المدارس السنة اللي فاتت، ومن فضل الله قدرنا نساعد في سداد مصاريف أولاد غير قادرين في مناطق مختلفة، وكمان وفرنا كشاكيل وكراسات وأقلام، والمرة دي حنحاول نوفر شنطة مدرسية متكاملة، وحنركز على مرحلة ابتدائي، ثم إعدادي وثانوي، والشنطة في حدود 20 جنيه غير اشتراكات المدارس، وهنركز على حالات الموظفين غير القادرين، من خلال الأخصائيين الاجتماعيين في المدارس".




لو عندك وظيفة.. قلها

ولا يقتصر عمل هذه المجموعات على مساعدة غير القادرين، بل إنهم يسعون للقضاء على البطالة، من خلال البحث عن وظائف للمحتاجين من الشباب، غير العامل، وتوجيهه إليها، من خلال مشروع (لو عندك وظيفة.. قلها)، الذي يتلخص في جلب كل عضو يعرف بتوفر وظائف أو يسمع عنها، وتوجيه الآخرين للبحث عن الشباب الذي يرغب في شغل هذه الوظائف، أو توفير وسيلة الاتصال بصاحب العمل.




زيارة دار أيتام

مجموعة رابعة قالت في إحدى دعواتها للأعضاء "ده يا جماعة أول إعلان عن زيارة الجمعة 2 (أيلول) سبتمبر.. حنروح دار نور الرحمن للأيتام إن شاء الله، وفيها 35 ولد وبنت من سن 4 شهور لحد 8 سنين، الدار في فيصل، والدار محتاجة ثلاجة وأدوية أطفال وبامبرز، بعد كده حنطلع على دار مبرة المرأة الجديدة في شارع السودان، ودي دار مسنين فيها 50 حالة.. حنروح نقعد معاهم شوية".

وغالبا ما يذهب أعضاء المجموعات المختلفة لزيارة أطفال في دور الأيتام أو المستشفيات، وقضاء يوم كامل معهم، وهم يحملون معهم الهدايا والملابس والأطعمة. ويتطوع بعضهم لعمل "ارجوز" أو سيرك لإسعاد الأطفال، بهدف إشعارهم بمشاركة الآخرين لهم. كما يتبرع البعض الآخر للاتصال برجال أعمال من الراغبين في العمل الخيري للتنسيق معهم لشراء احتياجات الأطفال أو المستشفيات أو غيرها، سواء بالنيابة عن المتبرع أو بواسطته هو شخصيا.

جدير بالذكر أن هذه المجموعات الخيرية غير الساعية للربح، والتي تستهدف التقرب لله بعمل الخير، تعتبر تطورا لفكرة "نشطاء الإنترنت"، الذين انتشروا على شبكة الإنترنت في صورة مجموعات بريدية تقترب من أكثر من 2000 مجموعة، بعضها ذات اتجاهات خيرية، وأخرى ذات طابع سياسي، وتقترب من فكرة الحزب السياسي، بهدف التعبير عن أفكار الجماعات السياسية، والبعض الآخر ذو طابع اجتماعي أو نسوي أو شبابي أو حتى متعلق بالأطعمة والمشروبات والأزياء.

[الغرباء]

أخي يتيم الشعر
وحتى لا نفتح موضوع
آخر فضلت كتابة هذا
الرد في نفس الموضوع
وحتى لو كان خالد عمروا في
استضافتكم فالحق يقال
واتمنى عدم حذف الرد

رابط لتحميل محاضرة لأبي إسحاق الحويني بعنوان **عمرو خالد**المبتدع جدا في عالم العلم الشرعي
هـــــــــــــام
http://media.islamway.com/lessons/ishaq//000-Amr.rm


وهذا رابط آخر

http://www.islamway.com/?iw_s=Lesso...lesson_id=37205



ــــــــــــــــــــــــ



عمرو خالد : فدبستك ( المقصود هو النبى ) فى الموضوع عشان ربنا يجيب الفلوس


قال عمرو خالد فى حلقة الثقافة و الفنون :
فن الكوميديا انتوا عارفين ان ناس من أصحاب النبى صلى الله عليه و سلم و بن حجر ذكر فى كتاب الإصابة ذكر الصحابة دول كانوا متخصصين فى الكوميديا يعنى ايه فى الكوميديا كانوا يقولوا المدينة مليانة مشاكل و مليانة صعوبات احنا عايزين ندحك النبى و ندحك الصحابة بنية الترويح عنهم عشان ورانا جهاد و ورانا مسئوليات يعنى حتى الكوميديا بقت متوظفة لخدمة الفكرة و لخدمة الرسالة .

صحابى إسمه سيدنا نعيمان سيدنا نعيمان ده كانت قضيته ازاى يبسط النبى صلى الله عليه و سلم و ازاى يبسط الصحابة مرة سيدنا نعيمان لقى واحد بيبيع عسل من الأعراب ميعرفش شكل النبى واحد بيبيع عسل جاى من البادية فقالله تعالى و قام واخده قدام بيت النبى صلى الله عليه و سلم و قالله ادينى كده برطمان عسل خد العسل و قام مخبط على النبى و داخل على النبى صلى الله عليه و سلم قال يا رسول الله أحببت أن أهدى لك عسلا فأنت تحب العسل ففرح النبى و جزاك الله خيرا يا نعيمان خد النبى صلى الله عليه و سلم العسل و قام طالع نعيمان للأعرابى و قال ثمن العسل عند الرجل الذى بالدار تخبط عليه تاخد منه تمن العسل و قام واخد بعضه و مروح فالنبى لقى واحد بيخبط عليه أعطنى ثمن العسل قال ما العسل قال أعطنى ثمن العسل قال هذا هدية قال أتماطلوننى أعطنى ثمن العسل فالنبى قال فعلها نعيمان خد يا ع..هى هى هى( يضحك ) فالنبى راح لنعيمان قال يا نعيمان لم فعلت ذلك قال يا رسول الله أعلم أنك تحب العسل و قلت ليس معك ثمن العسل و قلت إذا أعطيتك العسل سيبعت الله المال يعنى ربنا هيبعت الفلوس فدبستك فى الموضوع عشان ربنا يجيب الفلوس ( يضحك ) ...... نعيمان بس كان بيعملها بنية يعنى أنا عايز أقول ايه فى الآخر عايز أقول يا جماعة بعد النبى صلى الله عليه و سلم حضارة كبيرة قامت على الثقافة و الفنون أنا مش عايز أقول قد ايه الإسلام اهتم بالموضوع ده لكن عايز أنقل على النقطة اللى بعدها

يا شباب الفنانين يا شباب الموهوبين يا فنانين احنا عايزينكوا فى مشروع صناع الحياة احنا عايزينكوا فى مشروع النهضة احنا عايزينكوا تضيفوا انتوا ليكوا دور كبير مفيش نهضة من غيركوا مش هنقف على رجلينا إلا لما تكونوا بتساعدونا و بتوجهوا معانا.........

انتهى كلامه فض الله فاه
و أتسائل هل هناك من يوقر النبى صلى الله عليه و سلم و أصحابه يقول عنهم هذا الكلام ؟
أترك لكم التعليق؟



ـــــــــــــــــــــــ


عمرو خالد: فى مسرحيات للأستاذ عادل إمام

مبقدرش أقوم من قدامها

هذا الكلام قاله عمرو خالد على قناة المستقبل اللبنانية فى برنامج يستضيف المشاهير و أسوقه هنا مجردا و أترك لكم التعليق :
- المذيع :

الإستماع إلى الغناء مع العائلة أو مع مجموعة من الفتيات

- عمرو :

أشكرك يا رولا

لكن تانى أنا

بأؤكد لك يا رولا

أنا مبكسفش يا جماعة إن أنا أقول الكلام ده أنا مش مفتى يعنى مبكسفش لما ييجى سؤال فيه فتوى إننا أحرج فأجاوب أنا يا رولا دورى إننا أذكر بربنا و أفكرنا بالأخلاق و لما تيجى قضية زى كده أقولك بقى ارجعى للعلماء اسأليهم فى حكم هل أستمع إلى الأغانى ولا مستمعش إلى الأغانى و إن كان يا

رولا أنا عايز أقولك

معنى عايز أقولك حاجة بقى تتعلق بالسكة اللى أنا بكلم بيها الشباب انت عمال تعلى مع ربنا عمال تعلى إيمانيا و عمال تقرب من ربنا و انت بتقولى بسمع فى وسط العيلة و حاجات زى كده مفيش مشكلة يا رولا طالما انتى عمالة تقربى من ربنا و تدى الأمور حقها الآية اللى انتى قلتيها فى علماء فسروها ان هوا منسمعش الأغانى و فى علماء قالوا لأ ..... ( مقاطعة من المذيع )
- المذيع : حضرتك تستمع ؟
- عمرو : أقولك و تصدقنى أنا مش لاقى دقيقة أقرا جرايد فانا وقتى بقى محدود جدا
- المذيع : أيام ثانوى و اعدادى
- عمرو : آه طبعا أيام ثانوى و اعدادى كنت باسمع لأغانى و بلا شك ان ممكن من حين لآخر أكون باسمع أغنية بس الوقت بقى ضيق لكن يعنى بالشكل العام و ايه الأغنية و ايه الكلام اللى بيتقال و كت سمعت مرة الشيخ محمد الغزالى فى بيته لقيته بيقول كلمة جميلة جدا واحد بيسأله عن الأغانى حلال و لا حرام قاله حسنه حسن و قبيحه قبيح حسب انت بتسمع ايه الكلام اللى بيتقال ده ايه فلو كلام كويس يبقى كويس لو كلام وحش يبقى وحش يعنى
- المذيع : الكلام عن الحب عن الإشتياق و عن الفراق و عن هيك كويس ولا وحش
- عمرو : انت عارف ايه الخطر يا ( اسم المذيع لم أستطع تمييزه ) ان يبقى شبابنا عمالين يسمعوا الكلام ده و الأمة منهارة و تبقى دى قضية حياتهم يعنى خلينا ندخل فى عمق الأغانى أكتر هيا الأغانى بتؤدى بعد شوية لإيه ؟ ده الجو اللى أنا عايشه... لو مش ده الجو اللى أنا عايشه إسمع لكن لما يتحول البنت أو الشاب ان دى القضية و نفسه يعيشها و نفسه تبقى قضية حياته كلها بحب و باسمع و عايش القصة دى مينفعش مفيش أمة بتقوم كده ألمانيا و هيا بعد الحرب العالمية التانية ماكانش ده اللى بيحصل هناك ما كانوش عايشين يسمعوا أغانى مش بقول منسمعش بس بقول مش.... (مقاطعة )
- المذيع : نوعية...
- المذيع : نوعية و مش ده المحور يا جماعة إحنا أمة محتاجة تتبنى مينفعش تبقى قضيتنا أغا.. (مقاطعة )



- المذيع :هل تذهب إلى المسرح إلى السينما مثلا اى........؟
- عمرو : يعنى خلينى أقولك حاجة اى..... ممكن أرد عليك بشكل دبلوماسى و أقولك معنديش وقت زى معملت معاك فى الأغانى
- المذيع : نعم ( ضحك من المذيع و من عمرو ) و أنا عديتها
- عمرو : لكن خلينى أقولك حاجة لو فيه عرض مسرحى أو سينمائى بيقول قيمة يمكن ....... (مقاطعة من المذيع )
- المذيع : لو الأستاذ عادل إمام مثلا ؟
- عمرو : انت انت شوف انت قومت .......... ( و يضحك عمرو )
- عمرو : على فكرة أنا فى مسرحيات للأستاذ عادل إمام مقدرش أقوم من قدامها بموت من الضحك و فى مسرحيات للأستاذ محمد صبحى مقدرش أقوم من قدامها مسرحية زى وجهة نظر أهوه قلتلك إسم أهه عشان تعرف إن أنا......... ( و يضحك عمرو ) لكن اللى أنا عايز أقولهولك ايه اللى أنا عايز أقولهولك إن أنا بمارس حياتى بشكل طبيعى و مش أنا بس الناس كلها لو فى فيلم بيعرض يعنى فيلم زى فيلم الأستاذ أحمد زكى بتاع السادات ايه المانع ان فيلم زى كده يشاهد يعنى فاهم أنا عايز أقول ايه كونى بقى مروحتش يمكن تكون مسألة وقت لكن أنا كده مبردش عليك بدبلوماسية لو فى مسرحية أو فى فلم بيعرض حاجة هادفة الفن فى حد ذاته يعنى أنا مش مكسوف إنى أنا أقولك أروح فلم أو مسرح إيه المشكلة بس ايه اللى بيتعرض لو اللى بيتعرض حاجة جيدة يعنى مسرحية زى مسرحية الأستاذ عادل إمام شاهد ما شافش حاجة مين مضحكش عليها و مين متفرجش عليها ( المذيع يقاطع ) : أستاذ عمرو لى عندك ....
- عمرو ( يستمر ) : إلا لو فى حاجة حرام منعملهاش و منتفرجش عليها
- المذيع : موضوع تانى طبعا احنا مش بندعو إلى الحرام يعنى أنا عن نفسى أنا بعمرى يمكن يكون جهل منى و لكن أنا بعمرى ما شفت رجل دين بمسرحية أو بفلم سينمائى حتى لو كان الفلم جاد و محترم و ما فى شى ما شفت رجل دين بمكان عام بمطعم مثلا ....... ( عمرو يقاطع )
- عمرو: أنا هاعملك دلوقت دعاية لمطاعم مصر و لبنان ( ضحك ) أنا بروح كل ........ طالما بص حضرتك تانى
- المذيع : ( كلام شامى غير مفهوم لى ) هوا قدوة محترم مش هيك أستاذ عمرو ؟
- عمرو: اللى أنا بقوله إن الحاجة اللى مفيهاش حاجة حرام هيا إسم مسرح دى كلمة مسرح دى كلمة حرام ؟ لأ هيا كلمة سينما دى كلمة حرام ؟ لأ يا جماعة كلمة فن دى كلمة حرام كل ده كلام حلال ده النبى كان بي........ الشعراء اللى هما فنانى العصر فى ذلك الوقت كان النبى بيكرمهم تكريم واحد شاعر يقوم يسلم عليه سلام شديد الشاعر و هو برده بيقول أنا فرحت قوى إن هوا سلم عليا و قاللى الشاعر ... احنا معندناش ( كلمة غير مفهومة ) احنا موهبتنا بسيطة جدا بنتعامل مع الأمور حسب طبيعتها الحاجات دى الأصل فيها إنها حلال إنما الحاجة بتتقدم ايه لو الحاجة بتتقدم غير لائقة نقول مش ده الفن

إحنا نعرف الفن الحلال

إحنا نعرف الفن الحلال

إحنا نعرف الفن الحلال

.

ــــــــــــــــــــــــــــــ






وأنا أسأل كل ذى عقل و دين و إنصاف يغار على دين الله عز وجل
الذى ضحى من أجله النبى و أصحابه بدمائهم و أموالهم
يا مشرفين الخيمه الاسلاميه بالمنتدى
أحبتي في الله الاعضاء
أينسب هذا الإنسان إلى الدعاة أينسب هذا إلى الصحوة أيرجى من وراء هذا خير؟
لو كان هذا فى زمن الخلفاء الراشديين لضرب بالنعال
هذا و الحلقة مليئة بالخزعبلات و هذه خاتمتها و من أراد أن يسمعها كلها فهى موجودة على موقعه - أبو مالك المصرى - ش -انا المسلم
ــــــــــــــــــــــــ

[الغرباء]

عمرو خالد و التطاول على رب العالمين :

إذهب يا عبدى يا فنان فإنى راض عنك

بصو يا جماعة لو انتوا شايفين اننا مش عايزين ننهض و خلينا فى الحضيض يبقى الفنانين يعملوا اللى هما عايزينه يبقى ليهم حق لكن لو احنا جادين ان احنا عايزين نعمل نهضة أنا باناديهم من هنا و ربنا .... و بارجو كل واحد سمع كلمتى يوصل الكلام ده للفنانين وصلوا الكلمة دى ليهم أرجوكم احنا فى بداية صناعة نهضة و المرحلة ديان محتاجة انكوا تحطوا إيديكوا و تساعدونا و تفكروا بالعقلية دى عايزين نزق النهضة لقدام حرام يكون حد بيبنى و واحد تانى بيهدم و بالتالى ييجى السؤال سؤال و احنا بقى بنختم الحلقة سؤالين تلاتة بسرعة :

هوا الفن حلال ولا حرام ؟ (يضحك )

هيا الأغنية حلا ولا حرام ؟

هيا التمثيل حلال ولا حرام ؟

هيا السينما حلال و لا حرام ؟

أروح السينما ولا لأ؟

هوا أروح المسرح ولا مروحش المسرح ؟

هوا ينفع الستات يمثلوا ولا ما ينفعوش ستات يمثلوا ؟

يا جماعة الأسئلة دى الناس............. و أسمع أغانى ولا ماسمعش أغانى ؟

هوا المغنيين حلال و لا حرام ؟

يا جماعة الموضوع أكبر من كده بكتير

و يفضل الممثلين يحرجوا و .... أنا مليش دعوة أنا مبفتيش إنما أنا بتكلم فى موضوع أكبر من كده بكتير

عارفين ايه الموضوع ؟

ازاى يا جماعة نقول حلال و حرام على حاجة مش بتاعتنا مش احنا اللى أنشأناها مستوردة من برة

فاهمين أنا عايز أقول ايه يعنى حاجة جايا من برة و بعد كده تجيلنا و بعدين احنا نقول للمفتين قولولنا حلال ولا حرام ما احنا مش بتاعتنا و بالتالى مش معمولة لقيمنا و لا معمولة لمناخنا

دى معمولة لقوم آخرين بفكر آخر فى مرحلة أخرى بمعتقدات أخرى بقيم أخرى و بعدين جاى تقوللى حلال ولا حرام ؟ ( يضحك )

لكن فى الآخر الفن ده أداة الثقافة دى أداة حتسخدمها ازاى ؟

زى السكينة يا تدبح بيها فرخة يا تدبح بيها بنى آدم

حتستخدمها ازاى فمتقولليش حلال و حرام

لما تطلع من معتقداتنا و قيمنا و المرحلة اللى احنا فيها بداية نهضة و تبقى طالعة من جوانا و طالعة موجهة لاستفاداتنا احنا مش تبقى حلال و بس دى بتيقى أداة لتحريك نهضة زى ما حكيتلكوا على حرب أكتوبر .

كأن فى رسالتين عايز أقولهم للفنانين :

الرسالة الأولانية المهمة قوى أرجوكوا اعملوا فنكوا اللى مناسب للمرحلة اللى احنا فيها .

هوا ايه المرحلة ؟ بداية نهضة زقوها لقدام ارفعوا روحنا ارفعوا روح الناس حنعمل نهضة حننجح ( يصرخ )

متهيفوناش و تضيعونا .

و الرسالة التانية اللى عايز أقولها للفنانين مش عايزين نستورد الفن من بره عايزين ننتجه واحنا ياما أنتجنا فنون من عندنا انتوا ناسيين إن الموال دوا منتج من بلادنا الموشح ده منتج من بلادنا الزجل ده منتج من بلادنا انتوا ناسيين ان فيه المسحراتى ده منتج من بلادنا انتوا ناسيين ان فيه فنون كتيرة احنا اللى مطلعينها .

متيجوا نطلع فنون متيجوا نطلع أفكار جديدة حتى جوة الفنون و ساعتها مش حلال و بس دى بقت أداة لتحريك النهضة .

فاضل الحقيقة نقطتين بسرعة :

هل هناك ضوابط لحرية الفن و لا لأه ؟

يعنى من الآخر فى رقابة ولا مفيش رقابة ؟

أنا الحقيقة عايز أقول كلمة بصراحة موضوع الرقابة دى فكرة جديدة فكرة نشأت لظروف سياسية و أمنية و ما كانتش موجودة قبل كده واللى أنا أراه إنه يترك لكل واحد يعبر عن ثقافته و عن فنه بالطريقة اللى هوا عايزها و تترك له كافة الوسائل للتعبير عن رأيه دون إنها تصادر و يكفل له كافة الضمانات ان هوا يعبر عن الرأى دوان بس يترك للرأى الآخر فى نفس الوقت حرية التعبير و الحجة و الكلام ده مش كلامى القرآن قال كلام إبليس و اتربى عليه و عقيدتنا يا مسلمين إن الحجة الأقوى يتسود إحنا منخافش على ديننا إحنا حجتنا قوية جدا جدا جدا و فى الآخر فمن شاء فليؤمن و من شاء فليكفر و فى الآخر بعد كده متخافوش أبدا عارفين ليه ؟ لأن ربنا حط قاعدة بدل الرقابة قال ايه ؟ ( فأما الزبد فيذهب جفاء و أما ما ينفع الناس فيمكث فى الأرض ) الغث حيطير و هوا ده حدود الرقابة انك تسيب الآراء تقول و احنا معانا أقوى حجة متخافش .


نقطة أخيرة أحب أقولها للفنانات التائبات و المعتزلات و الفنانين التائبين و المعتزلين

أنا أصلا معترض على كلمة تائبين و معتزلين

.

معترض على كلمة تسمية تائبين لأن دى حاجة بينهم و بين ربنا .

و معترض على كلمة معتزلين لأن ليه يعتزلوا إذا كنا احنا مبنصدق إن حد يفهم رسالة الفن يقوم يسيبها

{أقول حسبي الله ونعم الوكيل}
و يمشى أنا عارف إن هما بيتعرضوا لضغوط شديدة لكن جهادهم و صبرهم هوا ده ثوابهم احنا عايزين حد يمسك الرسالة دى و يطلع فن غير عادى و يطلع فن موافق لمرحلة النهضة اللى احنا فيها و منتج فى بلادنا مش مستورد من برة فيا فنانين ياللى فهمتوا رسالتكم دوركوا مهم جدا جدا جدا لا تائبين و لا معتزلين تائبين دى بينكوا و بين ربنا و ربنا يتقبل منكم لكن اللى احنا عايزينه منك إنتاج و إضافة .

فاضل حاجة أخيرة كلمة لشباب الفنانين

أنا عايز أقولكم طلبين أرجوكم احفظوهم خلى فنكوا مناسب للمرحلة اللى احنا فيها متستوردوش الفن انتجوا الفن هوا دى رسالة الحلقة خلى بالكوا الكلمتين دول و عايز أقول حاجة تانية أنا شباب كتير من شباب الفنانين بيقابلونى بيسئلونى و بقولهم دايما كلمة واحدة : خليك صاحب رسالة إوعى تعيش عشان تكون أرزقى إوعى تعيش عشان أكلة العيش إوعى تعمل فن عشان أكلة العيش أرجوك إوعى تكون أرزقى حتقف قدام ربنا يوم القيامة و حيقوللك : ألم أنعم عليك ألم أرزقك موهبة ألم أفتح عليك ماذا فعلت بهذه الموهبة

حتقولله ايه حتقولله يا رب أصل أنا كنت عايز آكل عيش أصل كانت الظروف صعبة و لا زم أعيش

هيقوللك : إنت معرفتش قولى و فى السماء رزقكم و ما توعدون فورب السماء و الأرض إنه لحق مثل ما أنكم تنطقون

يا شباب الفنانين هتفوا قدام ربنا و يقوللك : ضيعت الأمة طمست ملامح الأمة كانت طالعة فى سكة نهضة و انت اللى وقعتها عشان أكل العيش . حتقول لربنا ايه حتقولله ايه ساعتها

و تخيل و انت بحسرتك و انت بتعض على ايدك على أعمالك الفنية ياريتنى ما عملتها وقعت الأمة ميت سنة و تسمع ربنا و هوا بيقوللك : انت مسمعتش قولى أنه من قتل نفسا بغير نفس أو فساد فى الأرض فكأنما قتل الناس جميعا فما بالكوا باللى قتل أمة جرييمة حتقوله ايه .

أو تخيل فرحتك و هوا بيقوللك : أعمالك الفنية دي حتدخلك الجنة لأنك فوقت الأمة و أيقظت الأمة إذهب يا عبدى يا فنان فإنى راض عنك .تخيل فرحتك أو تخيل ألمك .

يا شباب الفنانين أرجوكوا خلليكوا اصحاب رسالة قبل ما تعمل أى عمل فنى إسأل نفسك بيخدم النهضة بيخدم المرحلة اللى احنا فيها ؟ آه كويس منتج و لا مستورد ؟ منتج موافق لقيمنا آه مستورد موافق لقيمنا هيطلع عشرة فى المية آه بس مش ده الأصل آآآه اسأل نفسك السؤالين دول .

أنا كده وصلت الرسالة اللى كنت عايز أقولها يا رب توصل للشباب و الفنانين و يا ناس ياللى سمعتونا وصلوها لكل فنان تعرفوه بالذات الشباب فى المعاهد الفنية و كليات الفنون التشكيلية و التطبيقية و الفنون الجميلة الشباب بتوع عمارة الشباب النحاتين يا كتاب الأغانى يا ملحنين يا مغنيين يا رسامين يا مخرجين يا كتاب يا مسرحيين يا كل من تعمل بالثقافة و الفن و الإعلام ياللى بتشتغلوا فى التليفزيون يا مذيعات يا مقدمى البرامج أرجوكم الأمة فى مرحلة عايزة تنهض أرجوكو خدو بإيدينا و شدوا معانا .

يعنى يقول الله تبارك و تعالى كلمة أخيرة للفنانين

( إن أحسنتم أحسنتم لأنفسكم و إن أسأتم فلها ) و يقول
( و تحسبونه هينا و هو عند الله عظيم ) خلى بالكم مطلوب ايه فى النهاية مطلوب نعيد صياغة الأحلام فى مجال الثقافة و الفنون و نبعت و الفنانين يبعتوا كلام جديد عشان ننزله فى التصويت مطلوب ايه تانى مطلوب مشروع محو أمية الكمبيوتر يشتغل بقوة و نبذل فيه الجهد مطلوب لكل الناس الموجودين اللى سامعيننى دلوقتى أرجوكم متقبلوش إن ملامح الأمة تطمس حافظوا على ثقافتنا و على فنوننا يا رب يكون كلام مفيد نشوفكوا الإسبوع الجاى السلام عليكم و رحمة الله و بركاته

( طبل و مزيكا )


وأنا أسأل مرة اخرى
كل ذى عقل و دين و إنصاف يغار على دين الله عز وجل
الذى ضحى من أجله النبى و أصحابه بدمائهم و أموالهم
يا مشرفين الخيمه الاسلاميه بالمنتدى
احبتي في الله
أينسب هذا الإنسان إلى الدعاة أينسب هذا إلى الصحوة أيرجى من وراء هذا خير؟
لو كان هذا فى زمن الخلفاء الراشديين لضرب بالنعال
هذا و الحلقة مليئة بالخزعبلات و هذه خاتمتها و من أراد أن يسمعها كلها فهى موجودة على موقعه - أبو مالك المصرى - ش -انا المسلم



*

[يتيم الشعر]

أخي الكريم الغرباء

أشكرك على النقل الطيب والذي زاد من محبتي وإعجابي بالداعية الفاضل عمرو خالد حفظه الله ووفقه

ليت لنا في كل مدينة مسلمة أمثال عمرو خالد

عمرو خالد صورة المجاهد الشاب الذي يجاهد بالكلمة والموعظة الحسنة ..

[عابر سبيل]

قال صلى الله عليه وسلم: سيأتي على الناس سنوات خداعات يصدق فيها الكاذب، ويكذب فيها الصادق، ويؤتمن فيها الخائن، ويخون فيها الأمين، وينطق فيها الرويبضة، قيل: وما الرويبضة؟ قال: الرجل التافه في أمر العامة" رواه ابن ماجه وأحمد، وله رواية بلفظ: السفيه يتكلم في أمر العامة.

[يتيم الشعر]

أخي عابر سبيل

صدق رسول الله عليه الصلاة والسلام ، وكم نحن بحاجة لأفذاذ أمثال الأستاذ عمرو خالد ليحولوا دون الوصوليين الذين لايملكون برنامجاً حقيقياً لإصلاح النفس والفرد وبناء المجتمع ونهضة الأمة .. ويحمونا من جهالة السفهاء أصحاب العقول المنغلقة والتكفيريين الذين لايرون أحداً على الحق غيرهم

[عابر سبيل]

اخي يتيم

مارايك انسال راي عمر خالد في العلماء ام نسال راي العلماء في عمر خالد

[يتيم الشعر]

أخي عابر سبيل
كلاهما يثني على الآخر ثناء عطراً والحمدلله

لكن ما رأيك أن نرى أثر أعمال عمرو خالد خلال الأعوام القليلة الماضية ونرى أثر مجموعة من الأحياء خلال هذه الأعوام ؟
ولنبدأ بمقارنة ما يقوم به عمرو خالد مع ما أقوم أنا وأنت به ، وما يقدمه عمرو خالد مع ما نقدمه أنا وأنت ..

[عابر سبيل]

اخي الحبيب اسمع قول احد اهل الحديث المشهود لهم بالاستاذ عمر خالد ولاتتعصب وقارن كلام عمر خالد بالسنة وهل يصلح كي يقود الركب ودعك مني ومنك فلم نقدم انفسنا قدوة بعد

[يتيم الشعر]

أخي الحبيب أبو معاذ
بل شاهد أنت أفعال الرجل واسمع واقرأ ما يقوم به ، أم يصلح أن نكون له عوناً ؟ بل حتى وإن أخطأ أما يخطئ البشر ؟ وفقك ربي لكل خير يا أبا معاذ .. إن الرجل يعمل ويجتهد على مختلف الأصعدة وقد حقق نجاحاً كبيراً في الدعوة وإصلاح النفوس وكما قرأت فقد مدحه طائفة من أهل العلم والحمدلله وآثار الرجل الجليلة كثيرة فماذا قدم ضعيف مثلي !

يا أخي الحبيب والله ما يجد الرقاصون والمفسدون هجوماً كالذي يجده هذا الرجل ومن مثله ولا أعرف لمصلحة من هذا ؟

أنظر لحملات مكافحة التدخين والمخدرات ، وانظر لبرنامج صناع الحياة ، أتمنى عليك أن تشاهده وبعدها فلتقرر حجم الفائدة والنجاح من هذه الأعمال